Banka dhe financa në biznes (BA)

Misioni i Programit Studimor

Programi studimor “Banka dhe Financa në Biznes” është i orientuar drejt ofrimit të arsimit cilësor dhe zhvillimit të kompetencave profesionale dhe akademike në fushën e financave dhe bankave, në përputhje me zhvillimet bashkëkohore ekonomike, financiare dhe teknologjike. Programi synon të përgatisë profesionistë të aftë për të analizuar, interpretuar dhe menaxhuar procese financiare dhe bankare në institucione publike dhe private, si dhe të kontribuojë në zhvillimin ekonomik dhe financiar të vendit.

Në funksion të zhvillimit të qëndrueshëm akademik dhe profesional, programi mbështetet në ndërlidhjen e njohurive teorike me praktikën profesionale, zhvillimin e aftësive analitike dhe përdorimin e metodave bashkëkohore të mësimdhënies dhe analizës financiare. Gjithashtu, programi promovon përgjegjësinë profesionale, etikën, inovacionin dhe përfshirjen e standardeve bashkëkohore në sektorin financiar dhe bankar.

Misioni i programit është:

“Ofron njohuri të avancuara arsimore dhe shkencore në fushën e bankave dhe financave, duke zbatuar standardet më të larta të mësimdhënies dhe kërkimit për të mbështetur zhvillimin ekonomik të qëndrueshëm të vendit. Përmes përfshirjes së komponentëve mjedisorë, socialë dhe të qeverisjes (ESG), programi synon të krijojë profesionistë me përgjegjësi sociale, të cilët kontribuojnë në përmirësimin e komunitetit dhe nxitjen e inovacionit ekonomik dhe shoqëror.”

Qëllimi i Programit Studimor

Programi studimor “Banka dhe Financa në Biznes” synon të përgatisë profesionistë me njohuri akademike, kompetenca profesionale dhe aftësi analitike në fushën e financave, bankave dhe menaxhimit financiar, në përputhje me zhvillimet bashkëkohore ekonomike, financiare dhe teknologjike. Programi është i orientuar drejt zhvillimit të njohurive teorike dhe praktike që u mundësojnë studentëve të kuptojnë funksionimin e institucioneve financiare dhe bankare, tregjeve financiare, proceseve investuese dhe vendimmarrjes financiare në mjedise kombëtare dhe ndërkombëtare.

Qëllimi i programit është të zhvillojë kompetenca profesionale dhe analitike që u mundësojnë studentëve të interpretojnë dhe analizojnë të dhënat financiare, të vlerësojnë rreziqet financiare dhe bankare, të përdorin instrumente dhe metoda bashkëkohore të analizës financiare dhe të kontribuojnë në menaxhimin dhe zhvillimin e proceseve financiare dhe bankare në institucione publike dhe private.

Programi synon gjithashtu të forcojë ndërlidhjen ndërmjet komponentës akademike dhe praktikës profesionale përmes ushtrimeve praktike, analizës së rasteve studimore, projekteve aplikative dhe praktikës profesionale, me qëllim të zhvillimit të aftësive profesionale, komunikuese dhe vendimmarrëse të studentëve. Nëpërmjet kësaj qasjeje, programi kontribuon në përgatitjen e profesionistëve të aftë për t’iu përgjigjur kërkesave të tregut të punës dhe sfidave bashkëkohore në sektorin financiar dhe bankar.

Synimet e Programit Studimor

Programi studimor “Banka dhe Financa në Biznes” synon të zhvillojë një profil të diplomuarish me kompetenca të avancuara në fushën e financave dhe bankave, të aftë për të analizuar, interpretuar dhe menaxhuar procese financiare në institucione publike dhe private. Synimet e programit janë të harmonizuara me kërkesat e tregut të punës, zhvillimet bashkëkohore në sektorin financiar, si dhe standardet e arsimit të lartë të bazuar në rezultate të të nxënit.

Programi fokusohet në zhvillimin e aftësive analitike, kërkimore, digjitale dhe profesionale, duke integruar njohuritë teorike me praktikën dhe duke përgatitur studentët për vendimmarrje në mjedise financiare dinamike dhe të ndërlikuara.

Objektivat e Programit Studimor

Objektivat e programit studimor “Banka dhe Financa në Biznes” përcaktojnë në mënyrë të drejtpërdrejtë se çfarë duhet të arrijë programi në aspektin e përgatitjes akademike dhe profesionale të studentëve. Ato përkthejnë synimet e përgjithshme të programit në rezultate konkrete që udhëheqin procesin mësimor, përmbajtjen e lëndëve dhe format e vlerësimit.

Në këtë nivel, objektivat fokusohen në zhvillimin e njohurive bazë dhe të avancuara në financa dhe banka, në forcimin e aftësive analitike dhe praktike, si dhe në aftësimin e studentëve për të kuptuar dhe përdorur instrumentet kryesore të analizës financiare dhe vendimmarrjes.

Po ashtu, objektivat sigurojnë që studentët të aftësohen për të lidhur teorinë me praktikën, të përdorin mjete dhe metoda bashkëkohore në analizën e të dhënave financiare dhe të përgatiten për situata reale profesionale në sektorin bankar dhe financiar.

Rezultatet e Mësim Nxënies të Programit Studimor

Rezultatet e të nxënit të programit përcaktojnë njohuritë, aftësitë profesionale dhe kompetencat që studentët pritet të zhvillojnë dhe demonstrojnë pas përfundimit të programit studimor “Banka dhe Financa në Biznes”. Këto rezultate janë të harmonizuara me qëllimin dhe objektivat e programit, strukturën e kurrikulës, kërkesat e tregut të punës dhe zhvillimet bashkëkohore në sektorin financiar dhe bankar.

Rezultatet e të nxënit synojnë të sigurojnë përgatitje akademike dhe profesionale për analizimin e proceseve financiare dhe bankare, përdorimin e metodave dhe instrumenteve të analizës financiare, menaxhimin e rrezikut financiar dhe marrjen e vendimeve profesionale në institucione financiare, banka dhe organizata të tjera publike dhe private.

Kompetencat e Programit Studimor

Kompetencat e programit studimor “Banka dhe Financa në Biznes” përfaqësojnë aftësitë e përgjithshme profesionale dhe akademike që studentët pritet t’i zhvillojnë gjatë studimeve dhe t’i demonstrojnë pas përfundimit të programit. Ato janë të ndërlidhura drejtpërdrejt me rezultatet e të nxënit dhe pasqyrojnë profilin e diplomuarit në fushën e financave dhe bankave.

Kompetencat janë të strukturuara në mënyrë që të sigurojnë zhvillim të balancuar ndërmjet njohurive teorike, aftësive analitike, përdorimit të mjeteve bashkëkohore financiare, si dhe aftësive profesionale, etike dhe komunikuese. Ato shërbejnë si bazë për vlerësimin e përgatitjes së studentëve në raport me kërkesat e tregut të punës dhe standardet e arsimit të lartë.

Struktura e Programit BANKA DHE FINANCA NË BIZNES (BA)

Prof.Ass.Dr.Brikenda Vokshi

Prof.Ass.Dr.Erza Arifi

Prof.Ass.Dr.Mustaf Kadriaj

Prof.Ass.Dr.Ylber Krasniqi