Përfundoi procesi i konsultimeve për rishikimin e Planit Strategjik të Kolegjit Biznesi

 

Në kuadër të procesit të rishikimit të Planit Strategjik të Kolegjit Biznesi, u përmbyll me sukses faza e konsultimeve dhe shqyrtimit të propozimeve të paraqitura nga stafi akademik dhe administrativ.

Gjatë kësaj faze u analizuan objektivat strategjike ekzistuese, aktivitetet e planifikuara dhe treguesit e performancës, ndërsa u diskutuan mundësitë për përditësimin e dokumentit në përputhje me zhvillimet institucionale, kërkesat e arsimit të lartë, proceset e sigurimit të cilësisë dhe nevojat e tregut të punës.

Si rezultat i procesit të konsultimeve dhe propozimeve të stafit akademik dhe administrativ, drafti i Planit Strategjik është plotësuar edhe me një objektiv të ri strategjik, i cili synon mbështetjen e procesit arsimor dhe veprimtarisë hulumtuese përmes integrimit dhe përdorimit të inteligjencës artificiale (AI), në përputhje me zhvillimet bashkëkohore në arsimin e lartë. Përveç kësaj, janë përditësuar dhe harmonizuar edhe objektivat dhe aktivitetet ekzistuese, me qëllim forcimin e zhvillimit institucional dhe përmbushjen e prioriteteve strategjike të Kolegjit Biznesi.

Pas përfundimit të kësaj faze, është finalizuar drafti i Planit Strategjik të rishikuar për periudhën 2025–2030, i cili do t'u paraqitet organeve kompetente të Kolegjit Biznesi për shqyrtim dhe miratim, në përputhje me procedurat institucionale.

më shumë

Kolegji Biznesi fillon Studimin e Tregut të Punës dhe Analizën e Nevojave për Programet Studimore

Me vendim të Bordit Drejtues, Kolegji Biznesi ka filluar realizimin e Studimit të Tregut të Punës dhe Analizës së Nevojave për Programet Studimore, me qëllim të vlerësimit të kërkesave aktuale dhe perspektivave të ardhshme të tregut të punës në Republikën e Kosovës.

Ky studim do të realizohet përmes një hulumtimi të strukturuar me institucione publike, kompani private, institucione financiare, organizata joqeveritare, institucione arsimore dhe subjekte të tjera relevante në qytete të ndryshme të Kosovës. Përmes pyetësorëve dhe mbledhjes së të dhënave nga punëdhënësit dhe përfaqësuesit e institucioneve, do të identifikohen nevojat për kuadro profesionale dhe kompetencat më të kërkuara në tregun e punës.

Studimi do të përfshijë analizën e nevojave për programet studimore që ofron Kolegji Biznesi:

Ø  MA Menaxhment dhe Financa;

Ø  MA Menaxhimi i Emergjencave;

Ø  BA Menaxhment dhe Ekonomiks;

Ø  BA Banka dhe Financa në Biznes;

Ø  BSc Shkenca Kompjuterike;

Ø  LLB Juridik;

Ø  BA Menaxhimi i Emergjencave.

Rezultatet e këtij studimi do të shërbejnë si bazë për rishikimin dhe zhvillimin e programeve studimore, harmonizimin e kurrikulave me kërkesat e tregut të punës, forcimin e bashkëpunimit me punëdhënësit, si dhe për proceset e sigurimit të cilësisë dhe riakreditimit institucional.

Nëpërmjet këtij angazhimi, Kolegji Biznesi rikonfirmon përkushtimin e tij për të ofruar programe studimore të orientuara drejt nevojave reale të tregut të punës dhe për të përgatitur profesionistë me kompetenca që i përgjigjen zhvillimeve bashkëkohore ekonomike, teknologjike dhe shoqërore.

më shumë

Kolegji Biznesi përmbylli me sukses Biznesi Summer School 2026

Kolegji Biznesi përmbylli me sukses aktivitetet e Biznesi Summer School 2026, një program intensiv që për disa ditë mblodhi studentë, staf akademik, ekspertë vendorë dhe ndërkombëtarë në një sërë aktivitetesh akademike, profesionale, praktike dhe rekreative.

Gjatë zhvillimit të shkollës verore u organizuan ligjërata nga ekspertë ndërkombëtarë, punëtori interaktive, simulime profesionale sipas programeve studimore, vizita studimore në institucione publike dhe kompani private, si dhe aktivitete sportive e sociale, të cilat kontribuuan në zhvillimin e njohurive, aftësive praktike dhe bashkëpunimit ndërmjet studentëve.

Me rastin e përfundimit të programit, u mbajt takimi përmbyllës i Komisionit Organizativ të Biznesi Summer School 2026, ku stafi akademik dhe organizativ analizoi realizimin e aktiviteteve të planifikuara, vlerësoi rezultatet e arritura dhe diskutoi përvojat e fituara gjatë organizimit të shkollës verore. Gjatë takimit u theksua rëndësia e bashkëpunimit institucional, përfshirjes aktive të studentëve dhe partnerëve, si dhe u paraqitën rekomandime për avancimin dhe zgjerimin e aktiviteteve në edicionet e ardhshme.

Në këtë takim u vlerësua se Biznesi Summer School 2026 ka arritur objektivat e saj, duke ofruar një kombinim të suksesshëm të mësimit teorik, përvojës praktike, ndërkombëtarizimit dhe aktiviteteve jashtëmësimore, të cilat kontribuojnë në zhvillimin profesional dhe personal të studentëve.

Kolegji Biznesi shpreh mirënjohje për të gjithë studentët, stafin akademik, ekspertët, institucionet dhe partnerët që kontribuuan në realizimin me sukses të Biznesi Summer School 2026, duke e bërë këtë program një platformë të rëndësishme për mësim, bashkëpunim dhe zhvillim profesional.

 

më shumë