Aktivitet Ekstrakurikular në kuadër të lëndës "Menaxhimi i Investimeve"

Tema: Rëndësia e Edukimit Financiar dhe Investimeve të Hershme për Studentët
Në kuadër të aktiviteteve ekstrakurikular, në lëndën “Menaxhimi i Investimeve”, u mbajt një sesion i veçantë i cili bashkoi perspektivën akademike me përvojat e drejtpërdrejta nga fusha.
E ftuara speciale: Elmedina Mazreku – ish-studente e programit tonë, ndau rrugëtimin dhe përvojat e saj personale në investimet e hershme, që nga hapat e parë gjatë studimeve e deri te menaxhimi i një portofoli të qëndrueshëm investimesh. Ajo theksoi rëndësinë e ndërmarrjes së iniciativës financiare në moshë të re dhe ndau këshilla praktike me studentët.
Ligjëruesi: Prof. Assoc. Dr. Betim Spahiu solli kontekstin teorik dhe profesional mbi edukimin financiar, llojet e investimeve, rreziqet, dhe rëndësinë e planifikimit të hershëm financiar në jetën e individit.
Ky bashkëbisedim interaktiv i ofroi studentëve njohuri të vlefshme dhe frymëzim për të filluar ndërtimin e të ardhmes së tyre financiare me vetëdije dhe përgjegjësi.

më shumë

Etika në vendimmarrjen e përditshme të ndërmarrjes – Përvoja e një ndërmarrëseje

Aktivitet Ekstrakurikular - Etika në Biznes

Në kuadër të lëndës “Etika në Biznes” në ambientet e Kolegjit Biznesi, u zhvillua një aktivitet ekstrakurikular me temën: “Etika në vendimmarrjen e përditshme të ndërmarrjes: Përvoja e një ndërmarrëseje”.

E ftuar speciale në këtë aktivitet ishte znj. Yllza Morina, ndërmarrëse dhe ish-studente (alumni) e këtij Kolegji, e cila ndau me studentët përvojat e saj praktike në drejtimin e biznesit dhe sfidat etike me të cilat është përballur në rrugëtimin e saj profesional.

Aktiviteti u moderua dhe u pasurua me komente akademike nga Prof. Assoc. Dr. Betim Spahiu, profesor i lëndës “Etika në Biznes”. Ai theksoi rëndësinë që ka edukimi etik në formimin e liderëve të ardhshëm dhe rolin që luajnë vendimmarrjet e përgjegjshme në ndërtimin e një kulture organizative të qëndrueshme dhe të drejtë.

Temat e diskutimit

• Dilemat etike në menaxhimin e një biznesi të vogël dhe të mesëm
• Balanca mes fitimit dhe përgjegjësisë shoqërore
• Marrëdhëniet etike me punonjësit, partnerët dhe klientët
• Si ndihmon edukimi universitar në përgatitjen për vendimmarrje me integritet

Studentët patën mundësinë të shtrojnë pyetje, të diskutojnë situata konkrete dhe të kuptojnë se si konceptet teorike të trajtuara në ligjërata zbatojnë në praktikë.

Ky aktivitet u mirëprit nga studentët dhe u vlerësua si një mundësi e shkëlqyer për të lidhur njohuritë akademike me realitetin e tregut të punës, si dhe për të nxitur reflektim mbi përgjegjësitë etike të një ndërmarrësi në një mjedis dinamik dhe sfidues.

më shumë

Kolegji Biznesi shpall konkursin publik të rregullt për pranimin dhe regjistrimin e studentëve të rinj për vitin akademik 2025/2026,

më shumë